Kleredrag...
Hoe moet 'n Christen lyk?

Hoe moet jy lyk?
Beskerm jouself
Struikelblokke
‘n Lewe tot eer van die Here
Wêreldgesindheid

LEES VERDER...


Wat is Gebed...?

Lees: Lukas 18:1-8.

Sommige jongmense vra die volgende vrae:

• Wat moet ek alles in gebed sê?
• Hoe weet ek God hoor my as ek bid?
• Waarvoor moet ek bid?
• Hoe help gebed my groei?
• Kan ek oor my probleme bid?
• As ek nie voel om te bid nie, is dit sonde?
• Kan ek werklik bid wat in my hart is?
• En dan seker die mees algemeenste vraag: As God alles vooruit weet, hoekom moet ek dan bid?

Hoekom dink jy, wil baie mense nie bid nie?

Hier is ‘n paar moontlike antwoorde en vergelyk joune met dit.

1. Gebed is nie vir my belangrik nie.
2. Ek het nie tyd nie.
3. Ek weet nie hoe om te bid nie.
4. Ons besef nie dat God wil hê dat ons moet bid nie.
5. Kragtige gebed is net vir party gelowiges bedoel.
6. Ons ken nie God nie.
7. Dit help tog nie om te bid nie.
8. Ons is bang vir wat ander van ons gebede sal sê.
9. Ek is saans te vaak om te bid.
10. Ek verslaap elke oggend.
11. Ons besef nie watter krag in gebed opgesluit is nie.
12. Ek het nie ‘n las vir gebed nie.
13. Dit gaan met ons te goed.
14. Ek is nie lus om te bid nie.

Andrew Murray het eenkeer geskryf: ons kan tyd maak vir gebed. ons doen dit dan vir ons vriende.

In die Noord-Kaap is daar ‘n geneigdheid om skilpaaie in die pype te vind. Dan moet die pype uit die grond gehaal word en dan word die skilpad uitgehaal. So is dit in ons geestelike lewe, daar is verstoppings wat veroorsaak dat ons gebede nie deurdring nie.

1. Eerste skilpad: SONDE:

Jes 59:1-2: “Kyk, die hand van die Here is nie te kort om te             nie, en sy oor nie te swaar om te            nie; maar julle                              het ‘n skeidsmuur geword tussen julle en julle God, en julle                    het sy aangesig vir julle verberg, sodat Hy nie hoor nie.”

1 Joh 5:12,13: “Hy wat die Seun het, het die                  ; wie die Seun van God nie het nie, het nie die                nie. Dit het ek aan julle wat              in die Naam van die Seun van God, sodat julle kan               dat julle die                             het en kan glo in die Naam van die Seun van God."

2. Tweede skilpad: ONVERGEWINSGESINDHEID:

Mark 11:25,26 / Matt 6:14,15

3. Derde skilpad: ONGELOOF:

Mark 9:24 / Heb 11:1,6

4. Vierde skilpad: GEBED VOLGENS EIE WIL:

1 Joh 5:14,15

GEBED is:

1. ‘n Gawe; van God, want Hy wil met ons gemeenskap hou. 1 Kor 1:9
2. ‘n Bevel van God, want Hy wil ons gebede gebruik. 1 Thess 5:17
3. Die wapen/ gereedskap wat God ons gee om die Satan te oorwin.  Efs 6:18 / 1 Pet 5:6-8

Baie jongmense kom na my toe en sê dat hulle gedagtes afdwaal wanneer hulle bid. Mens kan aan die begin hardop bid. Ek glo ook dat die bloed van Jesus oor jou moet pleit wanneer jy bid, want as jy op jou knieë gaan, dan begin die oorlog. 2 Kor 10:5

Hoekom moet ons BID????

• Dit is ons afhanklikheid van God
• Die opdra van vriende en familie aan God. Dit haal die aandag dan van ons af.  Ons moet ander mense voor God kan opdra.

• Gebed maak ons daagliks bewus van God en Sy groot genade.  Daardeur vind ‘n groeiproses in ons plaas.
• Gebed laat ons ander deur God se oë sien en nie deur ons eie oë nie.
• Gebed leer ons dissipline; om God te dien met ons hele hart, siel en liggaam.

Satan se hoofmotief is om jongmense van hulle knieë af te kry!!!!!!

Waar begin ek?????

1. Word stil voor God. Dit help nie jy gaan voor die TV bid nie. Ps 62:2
2. Kom na die Vader in Jesus Naam. 1 Joh 2:1-2
3. Danksegging. Dank die Here vir Sy goedheid, getrouheid, genade en jou gesondheid ens. Gebed is nie ‘n inkopies lys wat ek vir God gee nie. Daar is soveel waarvoor jy die Here kan dank.  Ps 63:4-5
4. Lofprysing. Dit is om die Here te verheerlik en Sy Naam groot te maak. Jy kan selfs ‘n Psalm lees in ‘n gebedstemming van aanbidding. Daardeur kan jy ook die Skrif memoriseer.
5. Aanbidding en Eer. Dit is baie belangrik!!! Aanbidding het te doen met jou gesindheid teenoor God. Dit is die hoogste eer aan God. In aanbidding verhef jy die Here en daardeur ontsluit jy die diepste en aanskou jy die verborge dinge van die Here. Ps 50:23

Die Hebreeuse woord wat hier gebruik word beteken om swaar te maak. Hoe maak die Here swaar?? Hoe droog dit ookal mag wees, daar is altyd vog in die lug om ons teen- woordig. Die vog word in weerterme in persentasies gegee. Soms bereik die vog ‘n punt waar dit kondenseer en dan as dou op die grond voorkom. Voordat dit kan gebeur moet die aarde eers afkoel.

As die mens wat ‘n verhouding met God het, sy stem verhef en Hom loof en prys, word die “tempratuur van sy hart verkoel” en bereik hy “doupunt” in sy verhouding met God. Hierdie geestelike doupunt laat die Goddelike teenwoordigheid in sy lewe kondenseer. Die maak die Here “swaar” in sy lewe, net soos dou onsigbare vog is wat “swaar” word, vroeg in die more. Lof aan God bring ‘n openbaring van Sy teenwoordigheid- dit maak Hom swaar. Ons lof maak reeds dit wat reeds onsigbaar en onbruikbaar teenwoordig was, sigbaar.  Ons twyfel nie aan die versekering wat die Here ons in Matt 28:20 gee nie.  En tog lewe ons meeste van die tyd sonder om bewus te wees van sy magtige teenwoordigheid. Eers as ons ons gedagtes doelgerig wegdraai van die dinge van hierdie lewe en begin om Hom te loof en te prys, word God se teenwoordigheid vir ons geldig, waar en lewend. Die wat vroeër ‘n geloofsaak was, word nou ‘n feit wat ook ons emosies beïnvloed.

Ons vergeet so gou dat die skakel tussen dit wat die Here is en dit wat Hy in ons kan wees, ons lof en aanbidding vir Hom is. Eers wanneer ons Hom loof en prys, maak ons dit vir Hom omoontlik om kragtig in ons lewens te werk. Die dinge waarvoor ons Hom loof en prys bepaal ook ons Godsbegrip en daardeur maak ons dit moontlik vir daardie aspekte van sy natuur om aktief te raak in ons lewe. Die Here vra nie van ons om Hom te loof en te prys om (met alle respek) Sy ego te streel nie. Nee, Hy beveel van ons om Hom te loof en te aanbid sodat Hy vir ons kan wees wat HY IS.  Deur ons lof is ons voortdurend van Sy teenwoordigheid bewuss en ontwikkel daar ‘n beter begrip vir Sy Persoon by ons, Probeer gerus en kyk self.

6. Selfondersoek. Ek moet eers myself ondersoek om te weet dat daar niks tussen my en God is nie.
7. Voorbidding. Oswald Chambers het eenkeer gesê: “Voorbidding beteken om jouself in God se plek te plaas; dit is om Sy gedagtes en Sy perspektief te deel.

Ons werk om so noue kontak met God te hê dat ons Sy gedagtes omtrent elke saak kan ken, maar ons ontduik daardie verantwoordelikheid deurdat ons voorbidding met dade vervang.  En tog is voorbidding die enigste saak wat geen nadeel inhou nie, want dit hou ons verhouding met God heeltemal oop.

Wanneer ons op die basis van verlossing bid, skep God iets wat Hy langs geen ander weg as deur intredende gebed kan skep nie.

Met voorbidding tree jy in vir ander. Om jouself in hulle posisie te plaas. Jy kan kaartjies maak, of ‘n gebedsjoernaal maak van die name van persone of van organisasies ens wat mens voor bid.  Fil 4:6 / Kol 4:2

8. Nou vir Jouself. Dit is wanneer jy vir jou eie behoeftes bid onder die leiding van die Heilige Gees. Mark 11:24 / Rom 8:26-27 

Ons moet onthou om te bid onder die leiding van die Heilige Gees. Judas v20.

Daar is ‘n paar belangrike dinge wat ek wil uitlig.

§         Dis baie belangrik om jou sondes te bely. 1 Joh 1:7,9

§         Ek wandel nou in liefde. Ef 5:2

§         God is vir my wie kan teen my wees. Rom 8:31

§         Ek het die krag van God. Ps 68:29

§         Elke dag en elke nag en elke minuut is ek in die teenwoordigheid van God. Efs 3:12

§         Elke dag is vir my blydskap in U. Neh 8:11

§         Ek is ‘n erfgenaam van God. Rom 8:37, Gal 4:7

§         Hy bewaar my sodat my voet nie struikel nie. Ps 121:3,4.

§         Die Here stel Sy kennis  en wysheid tot ons beskikking.1Kor 1:30

Die Onse Vader som dit so goed op. Alles waarvoor die Christen moet bid, word in gebed gedek:

Onse Vader à dui op ‘n verhouding

Wat in die hemele is à herinner ons aan Sy soewereiniteit.

Laat u Naam geheilig word à lei tot lofprysing.

Laat u koninkryk kom à beteken dat ons die belangrikste dinge eerse stel.

Laat u wil geskied à bewys dat ons alles in Sy beheer laat.

Gee ons à Hy is ons bron en ons is afhanklik van Hom

Vandag à herinner ons daaraan om konsekwent te bly

Ons daaglikse brood à Jesus is die brood van die lewe.

En vergeef ons à herinner ons aan ons sonde en aan Sy oplossing.

Soos ons ook…vergewe à voorkom onvergewensgesindheid.

En lei ons à sy Gees lei ons

Nie in versoeking nie à versoeking is ‘n werklikheid

Verlos ons van die Bose à ek kan deur Jesus oorwin

Want aan U behoort die koninkryk à dui op die feit dat alles aan God behoort.

En die krag à dui op die feit dat God almagtig is.

En die heerlikheid à ons keer terug tot lofprysing.